تعلیمی بیداری پروگراموں میں مولانا یعقوب بلند شہری کی عملی جدوجہد قو م کو جہالت اور سماجی پستی سے با ہر لانیکی کوشش کیجائے !

سہارنپور( احمد رضا) قوم کو درپیش سخت مسائل کے ازالہ کیلئے قوم کو سماج پستی ، نا امیدی اور جہالت کے پنجوں سے باہر نکالا جائے تبھی ہماری قوم با وقار زندگی گزار نیکے لائق بن سکتی ہے جہالت ہماری تنزلی اور پستی کا بڑا سبب ہے !ملی تعلیمی ٹرسٹ کے زیراہتمام لڑکیوں کی عظیم دینی درسگاہ جامعۃالطیبات سہارنپورکی جانب سے تعلیم کو عام کیجئے تحریک کے ذریعہ اصلاح معاشرہ اور تعلیمی بیداری عنوانات پرشہرودیگرعلاقوں میں شاندار تعلیمی بیداریپروگراموں کا سلسلہ گزشتہ لمبے عرصہ سے پورے علاقہ لگاتار چل رہاہے جس کی قیادت آل انڈیادینی مدارس بورڈکے قومی صدر وجامعۃالطیبات کے ناظم مولانامحمدیعقوب بلندشہری کررہے ہیں! مولانابلندشہری کی زیرقیادت ریاست کے بیشتر اضلاع میں تعلیمی بیداری پروگراموں کاسلسلہ لگاتار جاری ہے ،ان اہم بیداری پروگراموں کے ذریعہ لوگوں کوبیدارکیاجارہاہے اور معاشرہ میں پھیلی جہالت، بد عتوں،برائیوں اور غیر شرعی رسموں ودیگررواجوں کو ختم کرنے اور معاشرہ میں لوگوں کودین اسلام وشریعت مطہرہ کے احکامات کے مطابق زندگی گذارنے پر چھوٹی چھوٹی کانفرنس کے ذریعہ بیدار اور تیارکیاجارہاہے تاکہ معاشرہ تعلیمی پسماندگی اور جہالت کی تاریکیوں سے پاک ہوکرصالح معاشرہ تشکیل ہوسکے اس تعلیمی تحریک کی قیادت فرمارہے مولانامحمدیعقوب بلندشہری نے کہاکہ آج مسلمان حق تعالیٰ کے احکامات اور اس کے رسولؐ کی تعلیمات سے دورہوتاجارہاہے جوں جوں ملی تنظیمیں،دینی مدارس اور تبلیغی جماعتیں معاشرہ کو سدھارنے کاکام تیزی سے کررہی ہیں ویسی ہی معاشرہ سدھرنے کے بجائے اور بگڑتاجارہاہے انہوں نے کہاکہ اگرمسلمانوں کا یہی حال رہاتو آنے والے وقت میں مسلمانوں کو مرتدہونے سے کوئی نہیں روک سکے گا انہوں نے کہاکہ آج ہرطرف مسلمانوں اور مذہب اسلام پر حملے کئے جارہے ہیں مسلمانوں کو حراساں کیاجارہاہے اس کے باوجودبھی ہم اپنی اصلاح نہیں کرپارہے ہیں ۔مولانابلندشہری نے کہاکہ دنیاملعون ہے ہمیں دنیاکے پیچھے نہیں بھاگنا چاہئے بلکہ دنیاسے بے رغبتی پیداکرکے حق تعالیٰ کی عبادت میں لگ جاناچاہئے انہوں نے کہاکہ ہماری اصل منزل آخرت ہے اگر ہم نے مرنے سے پہلے آخرت کی تیاری نہ کی تو آخرت میں ہمیں بڑی سزاؤں کا سامناکرنا پڑے گا انہوں نے کہاکہ عبادتیں دو طرح کی ہیں ایک جانی عبادت ایک مالی عبادت ہماری جان بھی اللہ کی اور ہمارامال بھی اللہ کا اسلئے ہمیں اپنی جان اور اپنا مال اللہ کے رضاکے لئے لگانا چاہئے ۔انہوں نے کہاکہ قرآن کریم ہماراپرسنل لاء اور قانون حیات ہے اسلئے ہمیں قرآن کریم کے احکامات پر چلنے اور اس کوسمجھ کر پڑھنے اور اس پر عمل کرنے کی کوشش کرنی چاہئے ۔مولانابلندشہری نے افسوس کا اظہار کرتے ہوئے کہاکہ آج کے دور میں ہماری بچیاں غیروں کے اسکول کالجوں میں پڑھ رہی ہیں اوروہیں پر تربیت بھی لے رہی ہیں جہاں ہماراجان مال بیجاصرف ہورہاہے کیوں کہ ہمارے بچے دینی تعلیم سے محروم ہوتے جارہے ہیں غیروں کے کالج میں تعلیم حاصل کرنے والی بچیاں دینی تعلیم سے محروم رہ جاتی ہیں جو معاشرہ کو سدھارنے کے بجائے اور بگاڑنے کا سبب بنتی ہیں۔مولانابلندشہری نے کہاکہ جامعۃالطیبات میں دینی تعلیم ابتداء سے دورۂ حدیث شریف تک اور عصری تعلیم دسویں کلاس تک ہوتی ہے جہاں بچی دسویں کلاس پاس کرنے کے ساتھ ساتھ دس سال میں عالم دین بھی بن جاتی ہے انہوں نے کہاکہ جامعۃالطیبات سہارنپور میں ایک ایساواحدادارہ ہے جہاں دینی وعصری تعلیم بچیوں کو ساتھ ساتھ دی جارہی ہے۔جامعہ سے بچیاں فارغ ہوکر اپنے اپنے علاقوں میں دینی ،تعلیمی وتربیتی خدمات انجام دے رہی ہیں انہوں نے کہاکہ روزانہ ہم لوگ مسجد مسجد جاکراصلاح معاشرہ اور تعلیمی بیداری پروگرام منعقد ہورہے ہیں