مٹیا محل علاقہ کے د رجن بھر کالجوں میں سالانہ فنکشن کی دھوم عاصم خاں ممبر اسمبلی نے جدیدتعلیم کے حصول پر توجہ دینا بتایا ضروری!

سہارنپور ( احمدرضا) مٹیا محل کیدرجن بھر اسکول اور کالجوں میں اس ہفتہ سالانہ جشنوں کا انعقاد بہت ہی شانداز انداز میں کیا گیا اپنے اپنے انداز میں طلبہ اور طالبات نے آرٹ ، تقاریر، مقالہ نگاری اور اداکاری میں اپنے فن کا مظاہرہ کیا اور مہمانوں کو داد دینے کیلئے مجبور کیا سرودیہ اسکول اور جی ایس کے وی اسکول کے پروگراموں کی دھوم زیادہ رہی! اسکولکے تقاریر، مقالہ نگاری اور اداکاری کے دیگر مقابلہ میں طلبہ کی نمایاں دلچسپی کی جتنی بھی تعریف کیجائے وہ کم ہے! مٹیا محل کے ہر دلعزیز ممبر اسمبلی عاصم خاں نے سبھی اسکول اور کالجوں کے سالانہ جشن کے موقع پرمہمان خسوصی کی حیثیت سے بولتے ہوئے کہاکہ خد کو آج کے دور میں قابل ثابت کر نیکے لئے سخت محنت درکار ہے عاصم خان نے کہاکہ ابتدائی علوم کے ساتھ ساتھ قوم کے ہونہار طلبہ کو ہر صورت جدیدعلوم سے بھی متعارف کیا جانا بیحد ضروری ہے عاصم خاں نے زور دیکر کہا کہ اب ملک میں وہی کامیاب ہوگا کہ جو سبھی علوم بلخصوص ٹیکنکل، عصری علوم اور اپڈیٹ نالج میں مہارت رکھتاہوگا آج مقابلہ آرائی کا دور ہے ہر مورچہ پر اپنا دبدبہ اور اپنی چھاپ بنانیکے لئے ہمیں اپنی نئی نسل کو جدید سے جدید علوم سے آراستہ کرنا لازم ہے، ممبر اسمبلی عاصم خان نے کہا ہیکہ آج ضرورت اس بات کی ہے کہ ہم اپنے بچوں کو ہر صورت بہتر تعلیمی مواقع دستیاب کرائیں اور انکو ہر حال میں بہتر سے بہتر سطح سے اور جدوجہد سے جدید تعلیم دلاکر مقابلہ کیلئے تیار کریں ہماری تھوڑی سی محنت اور دلچسپی ہمارے بچوں کا مستقبل سنوار سکتی ہے یہی بچے کل کے بھارت کے معمار ہوں گے ! ممبر اسمبلی خان نے بیباک لہجہ میں فرمایاکہ تعلیم کے حصول میں تھوڑی سی چوک نئی نسل کے سنہرے مستقبل کیلئے بڑا خطرہ بن سکتی ہے مقابلہ آرائی کے اس دور میں ہر طرح کے علم سے وابستگی ہم سبھی کیلئے بیحد ضروری ہوگئی ہے یہ ہماری ذمہ داری ہے کہ ہم نئی نسل کو جدید تعلیم سے جوڑیں تاکہ وہ اپنی قابلیت کی طاقت سے اپنے آپ قابلیت کے اگلے پائیدان پر پہنچ کر اپنے گھر اور اپنے ملک کی شاندار ترقی اور خوشحالی کا اہم حصہ بن سکیں!

مٹیا محل کے سبھی اسکول اور کالجوں کے تعلیمی معیار ، اسٹاف اور طلبہ کی ہنر مندی اور تعلیمی لیاقت کی جتنی بھی تعریف کیجائے وہ کم ہے مقامی ممبر اسمبلی حلقہ مٹیا محل دہلی کی موجودگی میں علاقہ کے سیکڑوں طلبہ اور طالبات نے اس شاندار اور منفرد انداز کے سالانہ جشن میں حصہ لیکر جس قابلیت کا مظاہرہ کیا اسکی ہر سو تعریف کی جارہی ہے درجنوں اسکولی بچوں نے مختلف نظریات پر مبنی خطبات پیش کرتے ہوئے مہمان خصوصی ممبر اسمبلی عاصم خاں اور دیگر مہمانوں کو حیرت میں ڈال دیا دس سال سے پندرہ سال تک کی عمر کے اسکولی بچوں نے جس بیباکی اور صفائی کے ساتھ یہاں اپنے ہاتھوں سے بناکر عمدہ آ رٹ کا جتنا بہترمظاہرہ کیا وہ کم ہی دیکھنے کو ملتاہے اور اس ہنر مندی اور قابلیت کیلئے ہر حال میں ان طلبہ کے اسکول کا اسٹاف اور اسکول کے ذمہ داران ہی داد کے مستحق ہیں! مقامی ممبر اسمبلی حلقہ مٹیا محل دہلی عاصم خان کے مطابق اسکول اور کالجوں کے اسٹاف کے ڈسپلن اورمختلف انداز میں پیش کئے گئے فنکاری کے کمپٹیشن میں چھوٹے اور بڑے بچوں کی شاندار کارکردگی دیکھ کر یہ احساس ہو نے لگا ہے کہ اب ہماری نسل اپنے مستقبل کیلئے تعلیمی میدان کے ہر مقابلہ کو بہ آسانی اپنی اہلیت کے سہارے عبور کر سکتی ہے ! اس موقع پر مقامی ممبر اسمبلی نے مقابلہ میں کامیاب طلبہ کو انعام و اسناد سے سرفراز کیا اور اسکول اسٹاف کے اس اقدام کی سراہنا بھی کی!