اردو چوپال ، آمنا سامنا میڈیا غزل ،مہتاب سلم ،کلکتہ

                غزل ،مہتاب سلم ،کلکتہ

  •  کسی کا بوجھ کہاں تک کوئی اٹھائے گا                    

  • دباؤ پڑنے پہ پتھر بھی ٹوٹ جائے گا                      

  • تمہارے ہونٹ تو مرجھا گئے ہیں غیبت سے                     

  • اثر کہاں سے تمہاری دعا میں آئے گا    

  • وہ رزق دینے پہ آئے تو اس کے ہاتھوں کو                   

  • کسی کے بس میں نہیں ہے جو روک پائے گا                       

  • یہ کائنات بلا سے کسی بھی رنگ میں ہو                  

  • جو چوٹ دے گا کسی کو چوٹ کھائے گا        

  • ترا وجود مری چاہتوں کا صدقہ ہے                                                            

  • ترا غرور کہاں تک مجھے بھلائے گا                                                          

  • نہیں ہے رہنما کوئی تو کوئی بات نہیں                                                           

  • مرا جنون مجھے راستہ  دکھائے گا                                                                         

  • مٹا نہ پائے اندھیرا جو اپنے حصے کا                                                         

  • وہ کیا چراغ کسی کیلئے جلائے گا