غزل ثمریاب ثمر۔۔۔۔۔۔۔۔
یہ منظر دیکھتا ہوں میں کبھی کا
سمندر پی گیا پانی ندی کا
بھلا بیٹھا ہے کیوں انسانیت کو
عجب انساں ہے اکسویں صدی کا
خدا کو جیتے جی اپنا بنالو
بھروسہ کچھ نہیں ہے زندگی کا
میرے حصےمیں، ماں آئی ہےجب سے
ذریعہ مل گیا ہے بندگی کا
درِ اقدس سے آیا ہے بلاوا
ٹھکانہ اب نہیں میری خوشی کا
چلو یہ عہد کرتے ہیں یہیں پر
کوئی بھی دل نہ توڑے اب کسی کا
محبت عام کرنی ہے جہاں میں
کہ دشمن یاں نہ ہو کوئی کسی کا
چھپانا علم کا اچھا نہیں ہے
سبھی کو فائدہ ہو روشنی کا
تر ے کوچے میں جب سے آگیا ہوں
سلیقہ آگیا ہے شاعری کا
کسی کے کام آنا بھول جانا
ثمر مقصد ہے میری زندگی کا