۔۔۔۔۔۔۔۔۔۔۔۔۔۔۔نعت۔۔۔۔۔۔۔۔۔۔۔۔۔
۔۔۔۔۔۔۔۔۔۔۔۔۔۔۔نعت۔۔۔۔۔۔۔۔۔۔۔
ذکر ان کا مدام لکھتا ہوں
لوح دل پر تمام لکھتا ہوں
خوشبو آتی ہے سادہ کاغذ سے
جب درود و سلام لکھتا ہوں
نعت پڑھتا ہے چر چرا کے قلم
جب بھی ان پر کلام لکھتا ہوں
لفظ آتے ہیں خود و ضو کرکے
جب محمد کا نام لکھتا ہوں
کچھ توبخشش کامیری ساماں ہو
مدح خیر الانام لکھتا ہوں
وجہ تخلیق کائنات ہیں جو
خود کو ان کا غلام لکھتا ہوں
کھا کے پتھر دعائیں دیں جس نے
اس پہ لاکھوں سلام لکھتا ہوں
سب سے اعلی انہی کا رتبہ ہے
انکو عالی مقام لکھتا ہوں
مقتدیٰ ہیں تمام نبیوں کے
ان کو سب کا امام لکھتا ہوں
انکی رحمت سبھی کو شامل ہے
فیض انکا میں عام لکھتا ہوں
جو بھی ان پر درود پڑھتا ہے
اس کو ذی احترام لکھتا ہوں
دم نکل جائے ان کے روضے پر
یہ دعا صبح شام لکھتا ہوں
خاک طیبہ ہی میرا مدفن ہو
حسرت ِ دل تمام لکھتا ہوں
۔۔۔۔۔۔۔۔۔۔۔۔ ثمریاب ثمر۔۔۔۔۔۔۔۔۔۔
 |
Click here to Reply or Forward
|