جماعت اسلامی ہند ممبئی میٹرو کی جانب سے اجتماع عام

جماعت اسلامی ہند ممبئی میٹرو کی جانب سے اجتماع عام

مسلمانوں کو مشتعل کرنے اور اسلام کو بد نام کرنے کا یہ سلسلہ ہر ہر عہد میں ہوتا رہا ہے لیکن ایسے میں حکمت پر مبنی طریقہ کار اختیار کرکے واضح اور منظم موقف لینا وقت کی اہم ترین ضرورت ہے۔(مولانا الیاس فلاحی صاحب :معاون امیرِ حلقہ مہاراشٹر)

جماعت اسلامی ہند ممبئی
میٹرو کی جانب سے 6 دسمبر 2020 صبح10.45 سے 1.30 تک آن لائن اجتماع عام کا انعقاد کیا گیا۔ ڈاکٹر سلیم خان معاون امیر حلقہ مہاراشٹر و رکن مرکزی مجلس شوریٰ اور مشہور سیاسی مبصر نے عمل اور رد عمل کی تھیوری اور اظہار آزادی رائے کی حدود کو بیان کرتے ہوئے فرانس میں اہانت رسول کے واقعے پر ٹیچر کے قتل اور صدر میکرون کے اسلام مخالف بیان پر اظہار خیال کرتے ہوئے ہوئے فرمایا کہ فرانس کے قوانین میں مذہبی توہین پر سزا کا اطلاق ہے ۔ حکومت نے اپنے ہی قانون کے خلاف جا کر فیصلہ دیا اور مقتول ٹیچر کو فرانس کا سب سے بڑا ایوارڈ دیا۔
ممبر آل انڈیا علماء کونسل اور آل انڈیا مسلم پرسنل لا بورڈ کے جنرل سیکرٹری مولانا محمود دریابادی نے اہانت آمیز خاکوں پر ہمارا رد عمل پر اظہارِ خیال کرتے ہوئے ملت کو مناسب حکمتِ عملی اختیار کرنے پر زور دیا۔ پھر جناب راشد خان رکن شوریٰ ممبئی میٹرو نے نے شاتم رسول کی سزا عنوان کے تحت تفصیلی گفتگو کی۔ مسلمان’ذمی اور حربی کی سزا کے تعین اور قانون کے تحت سزا کے نفاذ پر قرآن و سنت کی روشنی میں مختلف واقعات کے ذریعے تفصیلی گفتگو کی ۔ مولانا الیاس فلاحی معاون امیرحلقہ و سیکرٹری شعبہ اسلامی معاشرہ نے ان تقاریر پر اپنا تبصرہ پیش کیااور اس بات کی وضاحت کی کہ مسلمانوں کو مشتعل کرنے اور اسلام کو بد نام کرنے کا یہ سلسلہ ہر ہر عہد میں ہوتا رہا ہے لیکن ایسے میں حکمت پر مبنی طریقہ کار اختیار کرکے واضح اور منظم موقف لینا وقت کی اہم ترین ضرورت ہے۔
خان یاسر معروف مصنف اور سابقہ ممبر سینٹرل ایڈوائزری کونسل ایس آئی او آف انڈیا نے نے دیہی اور شہری علاقوں میں آر ایس ایس کے کام کے خاکے کو پیش کیا ۔سنگھ پریوار نے اپنے کام کو بڑھانے کے لئے مختلف میدانوں میں مختلف سرگرمیوں سے لوگوں تک رسائی حاصل کی۔ خاص طور پر تعلیمی ادارے’ خدمت خلق کے ساتھ ہی سوشل ویب سائٹ’ میڈیا اور دیہی اور شہری سطح پر شاکھائیں شامل ہیں۔ اس پبلک پروگرام کے ابتدائی حصے میں جناب عابد اطہر صاحب نےتذکیر با لقران سے رہنمائی فرمائی۔ نظامت کے فرائض پروفیسر سید حبیب الدین نے انجام دیے۔آنلائن پبلک پروگرام میں کم و بیش1050 افراد نے شرکت کی
ناظم شہر عبد الحسیب بھاٹکر صاحب کی دعا پر پروگرام کا اختتام ہوا۔
میڈیا سیل ممبئی میٹرو جماعت اسلامی ہند