یوتھ ونگ جماعت اسلامی ہند کی جانب سے میرا روڈ میں عطیہ خون(بلڈ ڈونیشن) کیمپ کا کامیاب انعقاد

یوتھ ونگ جماعت اسلامی ہند کی جانب سے میرا روڈ میں عطیہ خون(بلڈ ڈونیشن) کیمپ کا کامیاب انعقاد

قرآن مجید میں اللہ تعالیٰ کے فرمان کے مطابق کہ کسی شخص نے ایک انسان کی جان بچائی،اُس نے مکمل انسانیت کی جان بچائی،اور جس نے ایک انسان کی جان لی اُس نے پوری انسانیت کی جان لی۔ مکرمی! عطیہ خون ایک نیک عمل ہے،اور اس خون کے عطیات کے ذریعے دیگر انسانوں کی جان بچانے میں نمایاں رول انجام دیا جا سکتا ہے۔اسی نوع کو مد نظر رکھتے ہوئے یوتھ ونگ جماعت اسلامی ہند ممبئی کی جانب سے میرا روڈ یونٹ پر عطیہ خون (بلڈ ڈونیشن) کیمپ منعقد کیا گیا۔بلڈ ڈونیشن کیمپ بتاریخ 22 نومبر صبح 10 بجے سے شام 4 بجے تک جاری رہا۔
میرا روڈ مقام پر عطیہ خون کے کل 49 یونٹس اکٹھا کیے گئے۔ کیمپ میں شرکت کرنے والے ڈاکٹرز اور تمام ہی میڈیکل اسٹاف کو اسلام کا تعارف اور مقصدِ حیات پر تبادلہء خیال کیا گیا۔شرکت کرنے والوں نے مسرت کا اظہار کیا اور ساتھ ہی یوتھ ونگ کے اقدام کو بھرپور سراہا۔اسی نوع کی سرگرمیاں مستقبل میں کیے جانے اور اُن کی جانب سے ایسا ہی مثبت تعاون کرنے کی یقین دہانی کروائی۔