پاکستان نے اسٹاک ایکسچینج حملہ کا الزام ہندوستان پرعائد کیا ہے: ایران نے صدر ٹرمپ کی گرفتاری کا وارنٹ جاری کر دیا، انٹرپول سے مدد مانگی ،
پاکستان نے اسٹاک ایکسچینج حملہ کا الزام ہندوستان پرعائد کیا ہے: ایران نے صدر ٹرمپ کی گرفتاری کا وارنٹ جاری کر دیا، انٹرپول سے مدد مانگی ،
آمنا سامنا میڈیاعالمی خبریں
30/ جون 2020
نامہ نگار : محمد سمیع اللہ شیخ
پاکستان نے اسٹاک ایکسچینج حملہ کا الزام ہندوستان پرعائد کیا ہے:
پاکستان سٹاک ایکسچینج پر حملہ، چار حملہ آوروں سمیت سات ہلاک، کالعدم
بلوچستان لبریشن آرمی نے ذمہ داری قبول کر لی۔
ہندوستان نے ٹِک ٹاک سمیت 59 چینی موبائل ایپس پر پابندی عائد کردی ۔
ایران ، ترکی اور روس کے صدور کی ویڈیو کانفرنس ۔
کرونا وائرس کے خاتمے کا ابھی کوئی امکان نہیں: ڈبلو ایچ او ۔
کرونا وائرس کے خاتمے کا ابھی کوئی امکان نہیں: ڈبلو ایچ او ۔
ایران نے صدر ٹرمپ کی گرفتاری کا وارنٹ جاری کر دیا، انٹرپول سے مدد مانگی ،
فلسطینیوں کو اس وقت امریکہ اور صیہونی حکومت کی جانب سے مسلط کی جانے والی سہ طرفہ جنگ کا سامنا ہے: حماس سربراہ اسماعیل ہانیہ ۔
سید علی شاہ گیلانی نے حریت کانفرنس سے علحیدگی اختیار کرلی ۔
خبریں تفصیل سے
پاکستان نے اسٹاک ایکسچینج حملہ کا الزام ہندوستان پرعائد کیا ہے:
پاکستانی وزیراعظم عمران خان نے انڈیا پر الزام لگاتے ہوئے کہا ہے کہ انھیں اس میں کوئی شک نہیں ہے کہ
کراچی سٹاک ایکسچینج پر حملے کی منصوبہ بندی انڈیا میں ہوئی تھی۔
عمران خان نے کہا کہ انڈیا نے پاکستان کو غیر مستحکم کرنے کے لیے اس کا پلان کر رکھا تھا۔ اپنے پارلیمنٹ کے
خطاب میں انھوں نے کہا کہ یہ ’بہت بڑا سانحہ جو کہ پڑی پلاننگ سے ہمارا پڑوسی ملک ہندوستان۔۔۔ پاکستان کو
غیر مستحکم کرنے کے لیے انھوں نے بڑا پلان بنایا ہوا تھا۔ عمران خان نے کہا کہ ’ان کا صرف ایک مقصد یہ تھا
کہ سٹاک ایکسچینج میں جا کر ان کو یرغمال بنالیتے۔ اور جو ایک دفعہ ممبئی میں بہت بڑی دہشتگردی ہوئی تھی،
بالکل اسی طرح کا پلان تھا کہ سٹاک ایکسچینج میں بھی وہی کرتے، اُسی طرح بے قصور لوگوں کو قتل کرتے اور
اس طرح ہمارے ملک کو غیر استحکام کی اور غیر یقینی کی فضا بناتے۔
۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔
پاکستان سٹاک ایکسچینج پر حملہ، چار حملہ آوروں سمیت سات ہلاک، کالعدم
بلوچستان لبریشن آرمی نے ذمہ داری قبول کر لی۔
پاکستان کے سب سے بڑے شہر کراچی میں واقع بازارِ حصص، پاکستان سٹاک ایکسچینج کی عمارت پر پیر کو
شدت پسندوں کے حملے میں چاروں حملہ آوروں سمیت کم از کم سات افراد ہلاک ہو گئے ہیں۔ کالعدم شدت پسند
تنظیم بلوچ لبریشن آرمی سے منسلک ٹوئٹر اکاؤنٹ کے ذریعے اس حملے کی ذمہ داری قبول کی گئی ہے اور کہا
گیا ہے کہ مجید بریگیڈ کے ارکان نے اس کارروائی میں حصہ لیا۔
۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔
ہندوستان نے ٹِک ٹاک سمیت 59 چینی موبائل ایپس پر پابندی عائد کردی ۔
ہندوستان کی حکومت نے نوجوانوں میں مقبول ترین ٹِک ٹاک سمیت 59 چینی موبائل ایپس پر پابندی عائد کر دی
ہے۔ حکومت نے ان چینی ایپس پر پابندی لگاتے ہوئے کہا ہے کہ یہ ہندوستان کے اقتدار اعلیٰ اور اس کی سلامتی
کے لیے خطرہ ہیں۔ یہ پابندی ایک ایسے وقت میں لگائی گئی ہے جب ہندوستان اور چین کے درمیان لداخ خطے میں
دو ہفتے قبل ایک خونریز جھڑپ میں بیس ہندوستانی فوجی مارے گئے تھے
ہندوستان کی انفارمیشن ٹیکنالوجی کی وزارت نے پیر کی شام ایک حکم نامے کے ذریعے ٹک ٹاک، شیئر اِٹ، کلب
فیکٹری، یو سی براؤزر، وی چیٹ اور بیگ لائیو سمیت 59 چینی ایپس پر فوری طور پر بابندی لگا دی ہے۔ وزارت
نے اپنے حکم میں کہا ہے کہ 'ملک کے سوا ارب شہریوں کے ڈیٹا کے تحفظ کے بارے میں پہلے سے تشویش ظاہر
کی جا رہی تھی لیکن اب ڈیٹا کے غلط استعمال کے بارے میں کئی شکایات مل رہی تھیں۔ اب یہ محسوس کیا جانے
لگا تھا کہ یہ ایپس انڈیا کی سالمیت اور اقتدار اعلی، ریاست کی سلامتی اور امن وامان کے لیے خطرہ ہیں۔
۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔
ایران ، ترکی اور روس کے صدور کی ویڈیو کانفرنس ۔
روس، ایران اور ترکی کے صدور کل بدھ کے روز ویڈیو کانفرنس کےذریعے شامی مسئلے پر بات چیت کریں گے۔
یہ بات کریملن کی طرف سے بتائی گئی ہے۔ شام میں گزشتہ نو برس سے جاری خانہ جنگی میں ایران اور روس
صدر بشار الاسد کی حمایت کر رہے ہیں جبکہ ترکی اپوزیشن جنگجوؤں کا حمایتی ہے۔ تاہم یہ تینوں ممالک 2017ء
سے جاری سفارتی کوششوں کے ذریعے وہاں لڑائی میں کمی لانے کے خواہاں ہیں۔ ماسکو حکومت کی طرف سے
جاری ہونے والے بیان کے مطابق روسی صدر ولادیمیر پوٹن، ایرانی صدر حسن روحانی اور ترک صدر رجب
طیب ایردوآن کے درمیان ویڈیو کانفرنس بدھ کو عالمی وقت کے مطابق دن گیارہ بجے ہو گی۔
۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔
کرونا وائرس کے خاتمے کا ابھی کوئی امکان نہیں: ڈبلو ایچ او ۔
عالمی ادارۂ صحت کا کہنا ہے کہ پوری دنیا میں کرونا وائرس کے شکار لوگوں کی تعداد ایک کروڑ سے تجاوز کر
چکی ہے جب کہ ہلاک ہونے والوں کی تعداد پانچ لاکھ سے زیادہ ہے۔ پوری دنیا اس کی لپیٹ میں ہے اور اس کے
خاتمے کے آثار نظر نہیں آرہے ہیں۔
عالمی ادارۂ صحت کے ڈائریکٹر جنرل ٹٹیڈروس ایڈہینم نے کہا ہے کہ کرونا وائرس کی عالمگیر وبا خاتمے کے
قریب بھی نہیں ہے اور اس کا عالم گیر سطح پر پھیلاؤ بڑھتا جا رہا ہے۔ پیر کے روز ایک نیوز کانفرنس سےخطاب
کرتے ہوئے انہوں نے کہا کہ ہیلتھ ایجنسی کو پہلی مرتبہ اس وائرس کے بارے میں اطلاع ملنے کے چھ ماہ کل
منگل کو پورے ہو جائیں گے۔ ان کے ادارے کو اطلاع ملی تھی کہ چین میں نمونیا کے غیر معمولی کیسز ہوئے ہیں۔
یہی کرونا وائرس کے آغاز کی پہلی علامت تھی۔
چھ مہینے پہلے ہم میں کوئی بھی یہ سوچ بھی نہیں سکتا تھا کہ یہ نیا وائرس عالمگیر وبا بن جائے گا۔ اس کے بعد
سے عالمی ادارہ صحت نے شکار اور ہلاک ہونے والوں کا پورا ریکارڈ رکھا ہے۔ اسی ریکارڈ کے مطابق اب تک
پوری دنیا میں کرونا متاثرین کی تعداد ایک کروڑ سے زیادہ اور ہلاک شدگان کی تعداد پانچ لاکھ سے بڑھ گئی ہے۔
۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔
ایران نے صدر ٹرمپ کی گرفتاری کا وارنٹ جاری کر دیا، انٹرپول سے مدد مانگی ،
ایران نے امریکی صدر ڈونلڈ ٹرمپ کی گرفتاری کا وارنٹ جاری کرتے ہوئے انٹرپول سے ان کی گرفتاری میں مدد
کی درخواست کی ہے۔
ایران کی سرکاری نیوز ایجنسی 'اِرنا' نے ایک مقامی پراسیکیوٹر کے حوالے سے رپورٹ کیا ہے کہ ایران نے
جنرل قاسم سلیمانی پر ڈرون حملے کے الزام میں امریکی صدر ڈونلڈ ٹرمپ کے علاوہ متعدد دیگر افراد کے وارنٹ
بھی جاری کیے ہیں۔ اگرچہ ان وارنٹس سے صدر ٹرمپ کی گرفتاری کا کوئی خطرہ نہیں لیکن اس اقدام سے ایران
اور امریکہ کے تعلقات میں مزید کشیدگی آ سکتی ہے۔
تہران کے ایک مقامی پراسیکیوٹر نے کہا ہے کہ صدر ٹرمپ اور دیگر 30 افراد کو ایران نے رواں سال جنوری کی
تین تاریخ کو بغداد میں جنرل قاسم سلیمانی پر حملے کا ذمہ دار ٹھیرایا ہے۔ ان افراد کو "قتل اور دہشت گردی" کے
الزامات کا سامنا کرنا ہو گا۔ ایران نے انٹرپول سے صدر ٹرمپ کو گرفتار کرنے کے لیے 'ریڈ نوٹس' جاری کرنے
کی درخواست کی ہے۔ البتہ اس معاملے پر انٹرپول کا کوئی مؤقف سامنے نہیں آیا ہے ۔
۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔
فلسطینیوں کو اس وقت امریکہ اور صیہونی حکومت کی جانب سے مسلط کی جانے والی سہ طرفہ جنگ کا سامنا ہے: حماس سربراہ اسماعیل ہانیہ ۔
غزہ میں ایک پریس کانفرنس میں حماس کے سربراہ اسماعیل ہانیہ نے کہا کہ غرب اردن کواسرائیل میں ضم کرنے
کا پہلا ہدف نسل پرستانہ سوچ کو تقویت دے کر فلسطینیوں کو ان کے آبائی علاقوں سے بے دخل کرنے کاراستہ
ہموار کرنا ہے۔ انہوں نے کہا کہ غرب کے اردن کے تیس فی صد علاقے کو ہڑپ کرنے کا دوسرا مقصد گریٹر
یروشلم کے منصوبے پرعملدرآمد کرنا اور تیسرا مقصد آزاد فلسطینی مملکت کے قیام کے تمام راستے کو بند کرنا
ہے۔ حماس کے سربراہ نے کہا کہ فلسطینیوں کو اس وقت جس سہ جانبہ جنگ کا سامنا ہے، اس کا پہلا محاذ سیاسی
ہے جس کے تحت امریکہ اور صیہونی حکومت مسئلہ فلسطین کو ہمیشہ کے لیے دفن کرنے کی ناکام کوشش کر
رہے ہیں۔
انھوں نے کہا کہ فلسطینیوں کے خلاف امریکہ اور صیہونی حکومت کی سہ جہتی جنگ کا دوسرا محاذ فوجی اور
تیسرا اقتصادی ہے۔ اسماعیل ہنیہ نے ایک بار پھر سینچری ڈیل کا پھرپور اور اسٹریٹیجک مقابلہ کرنے کی
ضرورت پر زور دیا۔ قابل ذکر ہے کہ صیہونی حکومت امریکہ کے شرمناک سینچری ڈیل منصوبے کے تحت یکم
جولائی سے غرب اردن کے بعض علاقوں کو اسرائیل میں ضم کرنے کے منصوبے پر عملدرآمد شروع کرنے والی
ہے جس میں وادی اردن میں قائم تمام غیر قانونی صیہونی بستیاں بھی شامل ہیں۔
۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔
سید علی شاہ گیلانی نے حریت کانفرنس سے علحیدگی اختیار کرلی ۔
کشمیر کے بزرگ رہنما سید علی شاہ گیلانی نے ایک آڈیو پیغام جاری کرتے ہوئے کہا ہے کہ حریت کانفرنس کے
موجودہ حالات کو دیکھتے ہوئے استعفیٰ دینے کا فیصلہ کیا ہے۔ انہوں نے اپنے فیصلے کے حوالے سے حریت
ممبران کے نام ایک تفصیلی خط روانہ کرتے ہوئے کہا کہ کل جماعتی حریت کانفرنس کی موجودہ صورتحال کو
مدنظر رکھتے ہوئے میں اس فورم سے مکمل علاحدگی اختیار کرنے کا اعلان کرتا ہوں۔
قابل ذکر ہے کہ اکانوے سالہ سید علی گیلانی گزشتہ کئی برسوں سے اپنی رہائش گاہ واقع حیدر پورہ سری نگر میں
نظر بند ہیں اور وہ کافی عرصے سے علیل بھی ہیں۔
سید علی گیلانی کا حریت کانفرنس سے علیحدگی کا اعلان ایک ایسے وقت میں سامنے آیا ہے جب اکثر کشمیری
رہنما گرفتار یا پھر نظر بند ہیں۔