ہندوستان،چین سرحدی تنازع : چین نے اپنے مارشل آرٹ ٹرینرز کو تبت بھیجنے کا اعلان کیا، ہندوستان بھی تیار۔

آمنا سامنا میڈیاعالمی خبریں :
28/٫6/2020
نامہ نگار  : محمد سمیع اللہ شیخ

عالمی سطح پرکورونا کیسز میں بدستور اضافہ

چین میں انسانی حقوق کی خلاف ورزیوں پر توجہ دی جائے، اقوام متحدہ ۔

انقلاب کی نئی لہر: نسل پرستی کے خلاف آواز اٹھانے پر انٹرنیشنل
کمپنی نے اہم اعلان کردیا،

ہندوستان،چین سرحدی تنازع : چین نے اپنے مارشل آرٹ ٹرینرز کو تبت بھیجنے کا
اعلان کیا، ہندوستان بھی تیار۔

عراقی فورسز کا کتائب حزب اللہ کے خلاف
آپریشن، متعدد گرفتار

عالمی سطح پرکورونا کیسز میں بدستور اضافہ

خبریں تفصیل سے

عالمی سطح پر کووڈ 19 کے متاثرين کی تعداد 98 لاکھ اور ہلاک شدگان کی تعداد تقریبًا 5
لاکھ تک پہنچ ہو چکی ہے۔ امریکی ادارے جان ہاپکنس یونیورسٹی کے مطابق دنيا ميں لگ
بھگ پچاس لاکھ افراد اس بيماری سے صحت ياب بھی ہو چکے ہيں۔ اس وائرس سے سب
زیادہ متاثر ملکوں میں امریکا کے بعد برازیل، روس اور بھارت شامل ہیں۔ عالمی ادارہ صحت
کی قیادت میں کام کرنے والے بین الاقوامی ماہرین کے مطابق اس وبا سے نمٹنےکے لیے
اگلے ایک سال کے دوران مجموعی طور پر 31.3 ارب ڈالر کی ضرورت ہوگی، جس میں
سے ابھی تک صرف ساڑھے تین ارب ڈالر کے قریب جمع کیے جا سکے ہیں۔
۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔
چین میں انسانی حقوق کی خلاف ورزیوں پر توجہ دی جائے، اقوام متحدہ ۔
اقوام متحدہ کے ماہرین نے چین میں انسانی حقوق کی خلاف ورزیوں کے حوالے سے خبردار
کیا ہے۔ ایک بیان میں انہوں نے کہا کہ عالمی برادری کو ہانگ کانگ میں بیجنگ حکومت کے
نئے سکیورٹی قانون کی جانب توجہ دینا ہوگی۔ اس کے ساتھ ساتھ ایغور مسلمان، تبت کے
باشندوں اور شہریوں کے حقوق کے لیے سرگرم کارکنان پر ہونے والے مبینہ ظلم پر بھی
کڑی نگاہ رکھنے کی ضرورت ہے۔ انسانی حقوق کے ان پچاس خصوصی نمائندوں نے
سلامتی کونسل کا اجلاس بلانے کا مطالبہ بھی کیا ہے تاکہ چین کے لیے اقوام متحدہ کے
خصوصی ایلچی کی تعیناتی کا فیصلہ کیا جاسکے۔
۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔

انقلاب کی نئی لہر: نسل پرستی کے خلاف آواز اٹھانے پر انٹرنیشنل
کمپنی نے اہم اعلان کردیا،
رنگ گورا کرنے والی مقبول ترین کریم 'فیئر اینڈ لولی' بنانے والی کمپنی یونی لیور نے اس کریم
کا نام تبدیل کرنے کا اعلان کیا ہے۔
مشہورِ زمانہ کریم بنانے والی کمپنی یونی لیور نے اعلان کیا ہے کہ وہ دنیا میں آنے والی تبدیلیوں کے مطابق
خود کو ڈھالنے کے لیے اس کریم سے ’فیئر‘ یعنی ’گوری رنگت‘ کا لفظ ہٹا رہے ہیں۔
کمپنی نے اپنی مصنوعات سے رنگت کی سفیدی اور گورے پن سے جڑے دوسرے کئی لفظوں کا استعمال بھی بند
کرنے کا اعلان کیا ہے۔ ’فیئر‘ کے بغیر ’فیئر اینڈ لولی‘ کریم کا نیا نام کیا ہوگا، یہ ابھی طے کیا جارہا ہے۔

۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔

ہندوستان،چین سرحدی تنازع : چین نے اپنے مارشل آرٹ ٹرینرز کو تبت بھیجنے کا
اعلان کیا، ہندوستان بھی تیار۔
چین نے کہا ہے کہ وہ اپنی افواج کی تربیت کے لیے 20 مارشل آرٹ ٹرینرز کو تبت کی طرف بھیج رہا ہے ۔
دوسری طرف ہندوستان کے وزیر اعظم نریندر مودی نے اتوار کو اپنے ریڈیو پیغام میں کہا ہے کہ ہندوستان کی
سرزمیں پر آنکھ اٹھا کر دیکھنے والوں کو جواب دیا جائے گا۔
چینی فیصلے کی کوئی سرکاری وجہ نہیں بتائی گئی ہے لیکن یہ فیصلہ چینی سرحدی فوج کے ساتھ جھڑپوں میں
کم از کم 20 انڈین فوجیوں کی ہلاکتوں کے بعد سامنے آیا ہے۔
دونوں ممالک کے درمیان سنہ 1996 میں ہونے والے ایک معاہدے کے تحت اس علاقے میں کوئی بھی فریق،
ہندوستان یا چین کے فوجی وہاں بندوق اور دھماکہ خیز مواد کے ساتھ نہیں جاتے ہیں۔
دوسری جانب ہندوستانی وزیر اعظم نریندر مودی نے اتوار کو انڈیا چین تناؤ کے بارے میں کہا کہ لداخ میں انڈیا
کی سرزمین پر آنکھ اٹھا کر دیکھنے والوں کو سخت جواب دیا جائے گا۔
انھوں نے اتوار کو اپنی 'من کی بات' کے دوران کہا کہ بھارتی فوجیوں نے دکھا دیا ہے کہ اپنے وقار پر آنچ نہیں
آنے دیں گے۔ انھوں نے کہا: 'اگر ہندوستان دوستی نبھانا جانتا ہے تو وہ آنکھوں میں آنکھیں ڈال کر دیکھنا اور
مناسب جواب دینا بھی جانتا ہے۔ ہمارے بہادر فوجیوں نے یہ دکھا دیا کہ وہ کبھی بھی ماں بھارت (ہندسوتان) کی
شان پر آنچ نہیں آنے دیں گے۔
۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔
عراقی فورسز کا کتائب حزب اللہ کے خلاف
آپریشن، متعدد گرفتار
عراقی سیکیورٹی فورسز نے ایران نواز ملیشیا 'کتائب حزب اللہ' کے بغداد میں
موجود ہیڈ کوارٹر پر آپریشن کے دوران متعدد جنگجوؤں کو حراست میں لینے کا
دعویٰ کیا ہے۔
عراقی فورسز کی جانب سے کتائب حزب اللہ کے خلاف جمعرات کو کیا جانے والا آپریشن
رواں برس کی بڑی کارروائی قرار دیا جا رہا ہے۔
امریکی حکام الزام عائد کرتے رہے ہیں کہ کتائب حزب اللہ کے جنگجو عراق میں امریکی
فورسز اور فوجی تنصیبات کو راکٹ حملوں سے نشانہ بناتے رہے ہیں۔
تجزیہ کاروں کا کہنا ہے کہ ایران نواز ملیشیا کے جنگجوؤں کی گرفتاری عراق کے نئے وزیرِ
اعظم مصطفیٰ الکاظمی کی جانب سے اشارہ ہے کہ وہ عسکریت پسند گروہوں کے خلاف
سخت کارروائی کے وعدے پر عمل درآمد کرنا چاہتے ہیں