داعش مقدمہ ممبرا سے مزید ایک ملزم گرفتار۱۰؍ دن کی پولس تحویل جمعیۃ علماء مہاراشٹر نے قانونی امداد فراہم کی
داعش مقدمہ
ممبرا سے مزید ایک ملزم گرفتار۱۰؍ دن کی پولس تحویل
جمعیۃ علماء مہاراشٹر نے قانونی امداد فراہم کی
ممبئی ۲۷؍ جنوری
مہاراشٹر کے اورنگ آباد اور ممبئی سے قریب مسلم آبادی والے ممبرا سے گرفتار ۹؍ مسلم نوجوانوں کی گرفتار ی کے بعد کو آج مزید ایک ملزم کو گرفتار کیا گیا جسے اورنگ آباد کی خصوصی یو اے پی اے عدالت نے۱۰؍ دنوں کے لیئے پولس تحویل میں دیئے جانے کے احکامات جاری کیئے ۔ ملزم کو قانونی امداد فراہم کرنے والی تنظیم جمعیۃ علماء مہاراشٹر (ارشد مدنی) کے دفتر سے موصولہ اطلاعات کے مطابق آج ملزم طلحہ عرف ابوبکر کو یو اے پی اے عدالت کے جج وی وی پاٹل نے ۱۰؍ دنوں کی پولس تحویل میں دیئے جانے کے احکامات جاری کیئے حالانکہ اے ٹی ایس نے ۱۴ دنوں کی پولس تحویل طلب کی تھی جمعتہ علماء کے وکیل خضر پٹیل کی مخالفت لے بعد عدالت نے ملزم کو ۱۰ دنوں کے لئیے پولس تحویل میں بھیج دیا۔ اے ٹی ایس نے ملزم پر الزام عائد کیا کہ وہ ممنو ع تنظیم داعش کے ہم خیال ہے اور وہ دیگر ملزمین کی مدد سے ملک میں دہشت گردانہ کارروائیاں انجام دینا چاہتے ہیں ۔
صدر جمعیۃ علماء ہند مولانا سید ارشد مدنی کی ہدایت پر جمعیۃ علماء کی جانب سے ایڈوکیٹ خضر پٹیل نے ملزم کے دفاع میں اپنا وکالت نامہ عدالت میں داخل کرتے ہوئے ملزمین کے خلاف لگائی گئی دفعات پر اعتراض کیا اور عدالت کو بتایا کہ یو اے پی اے قانون کی جن دفعات کا اطلاق کیا گیا وہ غیرآئینی ہیں۔
اسی درمیان ایڈوکیٹ خضر پٹیل نے عدالت سے ملزم کے میڈیکل چیک اپ کیئے جانے اوراسے دوران تحویل وکلاء اور اس کے اہل خانہ سے ملاقات کی اجازت طلب کی۔
داعش کے ہم خیال ہونے کے الزامات کے تحت گرفتار ملزم کی گرفتاری پر اپنے رد عمل کا اظہا کرتے ہوئے جمعیۃ علماء مہاراشٹر قانونی امداد کمیٹی کے سربراہ گلزا ر اعظمی نے کہا کہ ابھی کچھ بھی کہنا قبل از وقت ہوگا لیکن جس طرح کی کہانی اے ٹی ایس نے بنا کر پیش کی ہے اس سے صاف ظاہر ہوتا ہیکہ ملزم کو صرف شک کی بنیاد پر گرفتار کیا گیا ہے ۔
انہوں نے مزید کہا کہ ملزمین کے دفاع میں جمعیۃعلماء نے ایڈوکیٹ خضر پٹیل کی سربراہی میں وکلاء کی ایک ٹیم تیار کی ہے جو معاملے کا باریک بینی سے جائزہ لے رہی ہے نیز دہشت گردانہ معاملات کے تجربہ کار وکلاء (ممبئی و دہلی) سے بھی صلاح و مشورہ کیا جارہا ہے۔
جمعیۃ علماء مہاراشٹر