بہار کے نوجوان کانگریسی لیڈر مسعود ظفر راجستھان اقلیتی امور کے انچارج مقرر 

آل انڈیا کانگریس کمیٹی کے اقلیتی شعبہ کے چیرمین ندیم جاوید نے بہار کے ضلع کشن گنج سے تعلق رکھنے والے نوجوان کانگریسی لیڈر مسعود ظفر کو راجستھان اقلیتی امور کا انچارج مقرر کیا ہے ،مسٹر ظفر نے یہ بات فون پر بتائی مسٹر ظفر اس سے پہلے دہلی کانگریس کے سوشل میڈیا (آئی ٹی سیل) کے سربراہ رہ چکے ہیں،اور انہوں نے دہلی کی وزیر اعلیٰ شیلا دکشت اور ہریانہ سابق وزیر اعلیٰ بھوپیندر سنگھ ہڈا کے علاوہ متعدد کانگریسی لیڈروں کے ساتھ کام کیا ہے،وہ راہل گاندھی کے نوجوانوں کی ٹیم کے ایک رکن بھی رہ چکے ہیں اور کانگریس میں فعال ہیں،اس کے علاوہ مسٹر ظفر کو جموں و کشمیر کے الیکشن میں مشاہد بھی بنایا گیا تھا ،اس کے ساتھ وہ کانگریس کے سکریٹری اور بہار امور کے انچارج راجیش للوٹھیا کے ساتھ کام کر رہے ہیں ،مسٹر نصر الظفر کانگریس میں طویل تجربہ رکھتے ہیں ،جواہر لال نہرو یونیورسٹی میں طلبہ یونین کے الیکشن میں حصہ لے چکے ہیں، پندرہ سے بیس ریاستوں میں مختلف کانگریسی لیڈروں کے ساتھ کام کر چکے ہیں، راجستھان کے اقلیتی امور کا انچارج بنائے جانے پر انہوں نے کہا،وہ کانگریس کی امید پر کھرا اترنے کی کوشش کریں گے اور مسلم نوجوانوں کو کانگریس سے جوڑنے کی کوشش کریں گے ،تاکہ مسلمانوں کی سیاست اور شراکت میں اضافہ ہو،اسی کے ساتھ انہوں نے کہا،کہ مسلم نوجوانوں کو زیادہ سے زیادہ تعداد میں سیاست میںحصہ لینا چاہئے کیونکہ کہ تمام ترقی کی راہ سیاست سے ہی ہوکر گزرتی ہے، اور اسی میں مسلمانوں کی سیاسی اور سماجی تعلیمی اور معاشی اور ترقی کا راز مضمر ہے !